Post


പു
സോമാലിയന്‍
പുരുഷന്റെ
കൈയിലെ
ഞരമ്പുപോലെ
മെലിഞ്ഞ് എഴുന്ന്
നീണ്ടുപോകുന്നു.

വെള്ളം വറ്റിത്തുടങ്ങുന്ന
ഇത്തിരിച്ചളിത്തടത്തില്‍
ദേശാടനക്കിളിയും
ഇണയും
ഓര്‍മകള്‍
ചികഞ്ഞെടുക്കുന്നു

കുടുക്കഴിഞ്ഞ
ട്രൗസര്‍
കൈയിലൊതുക്കി
കറുത്തുമെലിഞ്ഞ
കുട്ടിത്തം
സൂര്യാഘാതത്തിന്
ദേഹം മലര്‍ക്കെ
തുറന്നിരിക്കുന്നു.

ണക്കാരുടെ
കുട്ടികള്‍ കളിക്കുന്ന
ജെസിബിയെക്കാള്‍
എത്രയിരട്ടി വലിപ്പമുള്ള
കളിപ്പാട്ടമാണ്
തന്റെ മുന്നില്‍
പൂഴിവാരിക്കുഴിച്ചു
കളിക്കുന്നതെന്ന്
ഉള്ളിലാഹ്ലാദത്തോടെ...

ടവിലെ
കറുത്തുഘനംതുങ്ങിയ
കൊഴുത്തവെള്ളത്തില്‍
ഒഴുകിനടക്കുന്ന
ഐഎസ്‌ഐ മാര്‍ക്കുളള
വെള്ളക്കുപ്പികളും
സഞ്ചികളും ഉറകളും
വകഞ്ഞുമാറ്റി
അവന്റെ അമ്മ
മുങ്ങാങ്കുഴിയിടുന്നു.

ദൂരെ
ചുട്ടുപൊള്ളുന്ന
പാളത്തിലൂടെ
തീപ്പിടിച്ചപോലെ
നിലവിളിച്ചോടുന്ന
ഉഷ്ണവണ്ടിയിലെ
യാത്രക്കാരുടെ
ശീല്‍ക്കാരം
കനല്‍ക്കാറ്റായി
പുഴയില്‍
ദുര്‍ബലമായ
ഓളമുണ്ടാക്കുന്നു.

ശേഷിയില്ലാത്ത
ഒരു കാക്കപ്പെണ്ണ്
അവസാനക്കരച്ചില്‍
കരഞ്ഞ്
തീരത്തേക്ക്
മൂക്കുംകുത്തി
വീണുപിടയുന്നു.

ല്ലാംകഴിഞ്ഞ്
എങ്ങുനിന്നോ
സഹജീവികള്‍
പറന്നുവന്ന്
വെറുതെ
ഒച്ചയുണ്ടാക്കുന്നു.

നുഷ്യന്റെ
ചൊറിച്ചില്‍ മാറുന്ന
കാലംവരുമെന്ന്
സാന്ത്വനമോതി
അര്‍ക്കന്‍ ,
നീരുവറ്റിയ
ഭൂമിയുടെ കണ്ണുകളില്‍
വൃഥാ
പ്രതിഫലിക്കുന്നു.

© 8439 ■ ıɹǝuuɐʞʞɐɯ ■


Facebook Comments Bloggerised by Author GANGA DHARAN MAKKANNERI

5 Responses so far.

Leave a Reply

Related Posts Plugin for WordPress, Blogger...