Post

യാള്‍ ലോകപ്രസിദ്ധ മാന്ത്രികന്‍ ആയിരുന്നു. എത്തിച്ചേരുന്ന പുതിയ സ്ഥലങ്ങളില്‍ എല്ലാം തന്റെ കലാപരിപാടികള്‍ അവതരി പ്പിച്ചു കയ്യടി വാങ്ങും , അതാണയാളുടെ ഹോബി.


ഇതാ , മനോഹരമായ , പച്ചപ്പ് നിറഞ്ഞ , വൃത്തിയുള്ള , ഭൂമിയിലെ സ്വര്‍ഗം പോലെയുള്ള ഈ സ്ഥലത്ത് ഇന്ന് അയാള്‍ തന്‍റെ കഴിവുകള്‍ ഓരോന്നായി പുറത്തെടുക്കാന്‍ തുടങ്ങി. 

പെട്ടെന്നാരെയും അംഗീകരിക്കാത്ത ആളുകള്‍ ആണെന്നറിയാവുന്നത് കൊണ്ട് അയാള്‍ കൂടുതല്‍ കൂടുതല്‍ നല്ല പരിപാടികള്‍ കാണിച്ചു തുടങ്ങി. ഓരോ പുതിയ നമ്പര്‍ കാണിച്ചുകഴിഞ്ഞാല്‍ പ്രതീക്ഷയോടെ ആളുകളെ നോക്കും..... എന്നാല്‍ സദസ്സില്‍ നിന്ന് ഒരു പ്രതികരണവും ഇല്ല . നേരെ മറിച്ചു പലരും അയാളെ കളിയാക്കാനും തട്ടിപ്പ് കാരനാണെന്നു സ്ഥാപിക്കാനും വ്യഗ്രത കൂട്ടിക്കൊണ്ടിരുന്നു .

ഒറ്റ നിമിഷം കൊണ്ട് അയാള്‍ക്ക്‌ ജീവിതം മടുത്തു. അവസാന പ്രദര്‍ശനം എന്നാ നിലയില്‍ അയാള്‍ കത്തിയെടുത്തു നെഞ്ചു കീറി സ്വന്തം കരള്‍ പറിച്ചെടുത്തു . പഴുക്കാറായ സേലം മാങ്ങ പോലെയുള്ള , രക്തം ഇറ്റുവീഴുന്ന , തുടിച്ചുകൊണ്ടിരിക്കുന്ന ആ മാംസക്കഷണം ഒരു സ്റ്റീല്‍ പാത്രത്തില്‍ വെച്ച് പ്രേക്ഷകരെ കാണിച്ചു.

മുന്‍ നിരയില്‍ ഇരിക്കുന്നവര്‍ ഉറക്കെ വിളിച്ചു കൂവി ... " ചെമ്പരത്തി ... !"

അന്ത്യശ്വാസം വലിക്കുന്നതിനുമുന്പു മാന്ത്രികന്‍ തന്‍റെ സഹായിയോടു ചോദിച്ചു .. " ഇതെന്താ ഇവര്‍ ഇങ്ങനെ ഇഷ്ടാ ? "
സഹായി പറഞ്ഞു . " ഇത് കേരളമാ മാഷേ .. "

പന്നെ അയാള്‍ ഒന്നുമാലോചിച്ചില്ല. ഏതാനും നിമിഷങ്ങള്‍ക്കകം മരിക്കും എന്ന് ബോധ്യമുണ്ടായിട്ടും , പ്രേക്ഷകനെ  മനസ്സിലാക്കിക്കാനുള്ള അവസാന ശ്രമം ആയി സ്വന്തം തല മുറിച്ചു നീട്ടി , ഒരു കാര്യവുമില്ലാതെ വെറുതെ മരിച്ചുവീണു.

© 8477 ■ dharan.ıɹǝuuɐʞʞɐɯ ■
വായിച്ചതിനു നന്ദി. അഭിപ്രായം എഴുതണേ .. 
താഴെ
 ഫേസ്‌ ബുക്ക്‌ കമന്റ് ബോക്സും ബ്ലോഗ്ഗര്‍ കമന്റ് ബോക്സും ഉണ്ട് .  ഗൂഗിള്‍ പ്ലസില്‍ റെക്കമന്റ്റ് ചെയ്യാനുള്ള ബട്ടന്‍ മുകളില്‍ ഉണ്ട്. 
Facebook Comments Bloggerised by Author GANGA DHARAN MAKKANNERI

11 Responses so far.

Leave a Reply

Related Posts Plugin for WordPress, Blogger...