Post


രം വലന്തല കൊട്ടുമ്പോള്‍
മഴ ഒരു കോമരമാകുന്നു
വെള്ളിടിവാളുകൊണ്ട്
നെറ്റിയില്‍ പേര്‍ത്തും പേര്‍ത്തും
ആഞ്ഞാഞ്ഞുവെട്ടുന്നു
കരിയെഴുതിത്തെളിഞ്ഞ കണ്ണില്‍
മിന്നല്‍ രൗദ്രപ്രഭയാവുന്നു
ചുടലക്കാറ്റിന്റെ ആവേഗത്തില്‍
മലകള്‍ തെള്ളിയുണരുന്നു

ചോരച്ചാലുകള്‍ ഒഴുകിച്ചേര്‍ന്ന്
കുന്നിന്‍ചെരിവിലൂടെ കുതിച്ച്
രക്തനദിയായി പ്രവഹിക്കുന്നു
മുടിയഴിച്ചാടി അട്ടഹസിക്കുന്നു
ദൃഷ്ടികള്‍ ശിരസിലേക്ക് മറിയുന്നു
കമ്പനങ്ങളുടെ ഓളങ്ങളില്‍
മേഘജഘനം വിറകൊള്ളുന്നു

താളവേഗത്തിലഴിഞ്ഞ കൂന്തല്‍
കരിന്തേളായി നിലത്തിഴയുന്നു
പ്രാചീനനൃത്തഭൂമികയില്‍
ഫണനാഗങ്ങള്‍ വിറങ്ങലിക്കുന്നു
ഘനപാദനടനനിസ്വനത്തില്‍
പ്രകമ്പനം കൊള്ളും തട്ടകങ്ങള്‍

കടല്‍ക്കാറ്റില്‍ ദഹിച്ച ഉപ്പില്‍
അഗ്നി കടഞ്ഞു വിളഞ്ഞുണര്‍ന്ന
കുഞ്ഞുജലബാഷ്പമണികള്‍
കഠിനനൃത്തത്തിനൊടുവില്‍
കടുംതുള്ളികളായി... തുള്ളികളായി...
പെറ്റമ്മയില്‍ ലയിച്ചൊഴിയുന്നു.

© 8479 ■ dharan.ıɹǝuuɐʞʞɐɯ ■
Facebook Comments Bloggerised by Author GANGA DHARAN MAKKANNERI

4 Responses so far.

Leave a Reply

Related Posts Plugin for WordPress, Blogger...